Shpresa Kurteshi Emini, Ish kryesuesja e Kuvendit Komunal ngritë shqetësime e kërkon sqarime: pyet “a ka Gjilani Kuvend?”
U bënë gati dy muaj nga seanca e fundit e Kuvendit Komunal në Gjilan, e cila si e tillë ishte përshkuar e karakterizuar me vështrirësi të theksuara për t’u mbajtur për shkak të “bojkotit” nga opozita, kur në rend dite ishte parapa aprovimi i buxhetit 2023.
Ndërkohë, buxheti është aprovuar me shumicë simbolike votash, me bojkotin e seancës nga opozita, e me përfolje nëpër qytet për ‘pazare’ politike me deputet(-e) të caktuar(-a).
DKA GJILAN – SHPALLË KONKURS
Nga ajo periudhë Kuvendi i Komunës së Gjilanit nuk ka arritur të mbajë seancë tjetër, ndërkohë që kanë kaluar pothuajse dy muaj!
E ky fakt ka nxitur reagime të ndryshme në rrjete sociale, të cilat herë-herë janë më tingëlluese; e herë-herë kalojnë pothuajse në heshtje!
Në vazhdën e këtyre ragime ka qenë edhe ai i ish kryesueses së Kuvendit nga legjislatura e kaluar, znj. Shpresa Kurteshi – Emini nga LDK.
Ajo së fundi ka shtruar një pyetje retorike në Facebook, “a vazhdon të ketë Gjilani Kuvend Komunal?”, përmes së cilës pyetje, mbase synon të rikthejë vëmendjen publike te mungesa e informacioneve, mungesa e të cilave sipas saj, “”ka prangos” organin më të lartë vendimmarrës – Kuvendin e Komunës së Gjilanit.”
P o s t i m i i p l o t ë:
A vazhdon të ketë Gjilani Kuvend Komunal?
Nëse ne si parti politike nuk po dijmë gjë, e po flasim n’ajër kuturu, shoqëria gjilanase a ka far ”haberi” për këtë punë a jo?
Se, n’fund të fundit, Gjilani dhe ne meritojmë të jemi më mirë të informuar për këtë punë. Apo, jemi dakord me këtë terr informativ që ka prangos, veçanërisht, organin më të lartë vendimmarrës në Komunë!
