Shkruan: Sylejman Ismajli – SC Gjilani nga shuarja tek mbijetesa
Njëri ndër klubet më të mira në futbollin e Kosovës, SC Gjilani, para fillimit të stinorin 2023/24 ishte buzë greminës për t’u shuar, gjendje e cila shkaktoi “tërmet” tek dashamirët e këtij klubi, por edhe te gjithë opinioni sportiv në Kosovë.
Gjithҫka kishte marrë teposhtëzen dhe s’kishte asnjë shpresë të vetme për të filluar kampionatin, përderisa të gjitha skuadrat tjera të superligës kishin bërë edhe fazat përgatitore.
Shkruan: Sylejman Ismajli, opinionist sportiv
Kur kriza e kishte kapluar SC Gjilanin, shumë futbollistë të cilët “rrihnin gjoks” se e duan shumë këtë klub, e në shumë raste e përqafonin emblemën e klubit, po këta ishin të parët që u larguan, duke shkuar në zyret e FFK-së për të tërhequr dokumentacionin e tyre e duke e braktisur klubin në momentet më të vështira të historikut të tij!
Kur duhet klubi me zemër dhe nuk e braktisë atë si në të mirë e në të keq, në skenë dolën tifozët “Skifterat”, të cilët në asnjë moment nuk u pajtuan me këtë fat të hidhur të klubit të zemrës së tyre dhe dalngadalë filluan kontaktet me njerëzit të cilët që nga fëmijëria e tyre i ndejtën afër klubit, duke i dhënë shkëndijat e para të jetës së SC Gjilanit.
E njëri ndër ta ishte një tifoz i klubit që nga themelimi, i cili edhe pse i ri nga mosha, merrë përgjegjësitë ndaj “kuqebardhëve”, e ky ishte Fatlum Pireva, i cili dha sinjalet e para se SC Gjilani nuk do të shuhet por do të rikthehet edhe më i fortë dhe do të luaj rol vendimtar në futbollin e Kosovës. Ai me disa njerëz të bizneseve arrinë që në afat rekord të “harrnon” klubin, për të filluar garat në Superligën e Kosovës.
Filluan me juniorët, e rikthyen trajnerin e mirënjohur Gentian Mezani, e poashtu sollën edhe disa futbollistë sa për të filluar garat, dhe këtë e arritën me mjaft sukses.
SC Gjilani me fondin e futbollistëve dhe me problemet të cilat i kishte në fillim të kampionatit, deri më tani është në zonën e rrezikshme të “barazhit”, por me fitoren ndaj Prishtinës, tani edhe kjo zonë e rrezikshmërisë është tejkaluar, duke shpresuar se nga shuarja po arrihet ëndërra të mbijetojnë në Superligë – që do të ishte fitore për futbollin e Kosovës e poashtu për dashamirët e futbollit, që në të ardhmen do të kenë mundësi ta përcjellin derbin vendor – duke shpresuar që më në fund derbi do të zhvillohet në stadiumin e renovuar në Gjilan.
Njerëzit përgjegjës të klubit të Gjilanit, me vizionin e tyre për të ardhmen, menjëherë kanë ndërtuar në mënyrë moderne zhveshtoret, e poashtu kanë ndërtuar edhe një mini-tribunë për t’i përcjellur sa më komod ndeshjet tifozët e saj.
Nga shuarja gjerë të mbijetesa, zyrtarët e SC Gjilanit kanë pasur sfida të mëdha, por fatmirësisht këto sfida janë arritur në mënyrë brilante tek të gjithë akterët të cilët ia dojnë të mirën SC Gjilani.
Kur kanë mbetur edhe disa javë deri në përfundim të kampionatit, në klubin e SC Gjilani po mbizotëron mobilizim si asnjëherë më parë, ndërsa në kampionatin e ri 2024/25 klubi SC Gjilani do të jetë një tjetër klub me tjera aspirata!
Si qytetarë të qytetit të Gjilanit dhe dashamirë të futbollit, duhet të jemi krenarë që i kemi dy klube të qytetit që luajnë rol kryesorë në futbollin e Kosovës, dhe na ofrojnë derbin më të madh lokal.
