Shkolla u ndanë mirënjohje nxënësve fitues në garat e fizikës
Bekim Mustafa, drejtor në Gjimnazin Natyror “Xhavit Ahmeti” ka mirëpritur nxënësit që ishin pjesë e ekipit të Gjimnazit të Shkencave Natyrore ”Xhavit Ahmeti”, në garat e fizikës e që fituan tre vende kualifikuese, edhe atë për klasë të 11-të vendin e dytë e fituan: Olt Bajrami dhe Melos Hajrullahu; për klasë të 10-të vendin e tretë e fitoi Elonita Hajdini.
Bashkë me ta ishin edhe pjesa tjetër e ekipit që përbëhej nga nxënëset që kishin fituar në garat komunale.
Nxënësit fitues shoqëroheshin nga mësimdhënësit e tyre, Saud Rrahmani, Bukurije Sylejmani – Maksuti dhe Arben Duraku, kurse për suksesin e arritur drejtori i shkollës, Bekim Mustafa u ka ndarë mirënjohje këtyre nxënësve.
Mustafa nxënësve fitues u ka dëshiruar suksese të mëtejme, duke thënë se ka besim të plotë në ta dhe mësimdhënësit e tyre se edhe në të ardhmen do të vazhdojnë të tregojnë rezultate të larta.
Edhe mësimdhënësit e tyre, Saud Rrahmani, Bukurije Sylejmani – Maksuti dhe Arben Duraku kanë thënë se “kemi të bëjmë me nxënës që janë shumë punëtorë dhe që punojnë pandërprerë, andaj sukseset e tyre nuk janë të rastësishme”.
Nxënësit fitues u shprehen se vazhdimisht janë duke punuar dhe se shkolla u ka ofruar kushte të mira për punë dhe për suksese të mëtejme.
