Shikoni si izraelitët rrëzojnë raketat iraniane mbi Tel Aviv, njëra megjithatë e kaloi mbrojtjen
Izraeli ka një nga sistemet më të avancuara të mbrojtjes ajrore në botë, i cili përfshin edhe të ashtuquajturën “Kupola e Hekurt”, raportojnë media ndërkombëtare përcjell TV Gjilani.
Në rrjetet sociale është përhapur një video që tregon se si Forcat Mbrojtëse të Izraelit (IDF) gjatë natës kanë kapur dhe rrëzuar raketa iraniane mbi Tel Aviv. Një nga raketat e lëshuara, siç shihet në pamje, megjithatë kalon përmes mbrojtjes izraelite dhe bie në qytet.
Çfarë lloj sistemesh ka në dispozicion Izraeli?
Kupola e Hekurt (Iron Dome) është e destinuar për të kapur raketa me rreze të shkurtër që kërcënojnë zonat e banuara. Sistemi është shumë i lëvizshëm dhe përdor radarë për të zbuluar dhe ndjekur kërcënimet, dhe më pas lëshon raketa interceptuese që shkatërrojnë raketat armike në ajër.
Është zhvilluar në bashkëpunim midis kompanisë izraelite Rafael dhe kompanisë amerikane Raytheon, dhe efikasiteti i tij vlerësohet të jetë mbi 90 për qind kur bëhet fjalë për raketa që synojnë zona të dendura urbane.
A lot of terminal-phase interceptions happening over Tel Aviv. One gets through. https://t.co/PwO6wKVCxc pic.twitter.com/kmFVvXge1m
— Masao Dahlgren (@masao_dahlgren) June 13, 2025
Përveç Kupolës së Hekurt, Izraeli përdor edhe sisteme për kapjen e raketave me rreze të mesme dhe të gjatë. Sistemi “Slingu i Davidit” (David’s Sling) është projektuar për të rrëzuar raketa dhe predha më të mëdha, të cilat Kupola e Hekurt nuk mund t’i përfshijë, ndërsa sistemi “Shigjeta” (Arrow), i zhvilluar në bashkëpunim me SHBA-të, është i destinuar për të kapur raketa balistike në shtresat e larta të atmosferës, madje edhe jashtë atmosferës së Tokës.
Kjo mbrojtje shumë-shtresore i mundëson Izraelit të mbrohet njëkohësisht nga lloje të ndryshme kërcënimesh – nga raketat me rreze të shkurtër deri te raketat balistike të lëshuara nga distanca të mëdha.
