Shënohet 22 vjetori i rënies heroike të dëshmorëve të Breznicës
Më 7 mars, në kuadër të manifestimeve të Epopesë së UÇK-së dhe Ditës se Mësuesit, me një aktivitet përkujtues u bënë homazhe për dëshmorët Shaban Bajrami e Besim Xhemaili.
Në prani të familjarëve, bashkëvendësve e miqëve të shumtë, këto ngjarje u shënuan edhe në Breznicë, pasi lidhen me përvjetorin e 22-të të rënies heroike të dy dëshmorëve të Breznicës, Shaban R. Bajrami dhe Besim B. Xhemaili, njofton faqja zyrtare Breznica në rrjete sociale.
Me këtë rast, para të pranishëmeve folën: kryetari i OVL-së Bejtullah Bejtullahu, djali i Besimit, Lavdimi, i cili përshëndeti të pranishmit, si dhe vëllau i Shabanit, Medati, i cili me një letër frymëzuese përshëndeti poashtu të pranishmit dhe falenderoi për pjesëmarrje!
Kurora lulesh vendosën familja Bajrami dhe Xhemaili, pushteti lokal i Bujanocit, krerët e subjekteve politike, veteran të UÇPMB–së, etj.
Fal sakrificës e flijimit të dëshmorëve, ne sot e gëzojmë lirinë dhe të drejtat tona si shqiptarë.
Nderime të përhershme dëshmorëve të kombit!
