Senatori Lindsey Graham bën thirrje për vrasjen e Putinit.
Një senator amerikan i ka bërë thirrje dikujt në rrethin e ngushtë të presidentit rus Vladimir Putin për ta vrarë atë, Shkruan BBC news, transmeton Mediakos.
Lindsey Graham tha se e vetmja mënyrë se si përfundon pushtimi rus në Ukrainë është “që dikush në Rusi ta nxjerrë këtë njeri nga politika”.
Në një deklaratë në Twitter, republikani zëdhënes pyet nëse presidenti rus ka një “Brutus” që mund të largojë Putinin dhe t’i japë fund luftës.
Komentet e tij kanë zemëruar ambasadorin rus në SHBA.
Graham, i cili përfaqëson Karolinën e Jugut, shkroi në Twitter: “Do t’i bënit vendit tuaj dhe botës një shërbim të madh.
“A ka një Brutusnë Rusi? A ka një kolonel Stauffenberg më të suksesshëm në ushtrinë ruse?”
Brutus ishte një politikan romak që vrau Julius Cezarin, ndërsa koloneli i ushtrisë gjermane Claus von Stauffenberg është më i njohur për përpjekjen për të vrarë Adolf Hitlerin në 1944.
Anatoli Antonov, ambasadori i Rusisë në SHBA, e përshkroi deklaratën e tij si “të papranueshme dhe të egër”.
Ai tha se shkalla e “rusofobisë dhe urrejtjes në SHBA ndaj Rusisë ishte jashtë çdo parashikimi.
“Është e pabesueshme që senatori i një vendi që predikon vlerat e tij morale si një “yll udhëzues” për të gjithë njerëzimin, po bën përpjekje dhe thirrje ndaj terrorizmit si një mënyrë për të arritur qëllimet e Uashingtonit në arenën ndërkombëtare.”
Presidenti i SHBA Joe Biden ka dënuar pushtimin rus dhe ka vendosur sanksione ndaj politikanëve, përfshirë edhe vetë Putinin. Ai thotë se SHBA do të mbrojë vendet e NATO-s, por ka përjashtuar dërgimin e trupave në Ukrainë.
Komentet e senatorit Graham zemëruan gjithashtu edhe zëdhënësin e Kremlinit Dmitry Peskov.
“Sigurisht, këto ditë jo të gjithë po arrijnë të ruajnë një mendje të matur, madje do të thosha një mendje të shëndoshë”, tha ai, duke bërë thirrje për unitet kombëtar nga rusët.
