Senatori amerikan thyen rekord, mbajti fjalim mbi 25 orë në Senat
Senatori demokrat amerikan Cory Booker theu rekordin në Senatin e vendit të martën duke mbajtur një fjalim që zgjati më shumë se 25 orë kundër politikave të Presidentit Donald Trump.
Demokrati 55-vjeçar nga New Jersey doli në foltoren e Senatit të hënën mbrëma dhe përfundoi vetëm pas 25 orësh e pesë minutash. Ai pas 24 orësh e 19 minutash theu rekordin e mëparshëm, gjë që shkaktoi duartrokitje në sallë.
Senatorët mund të flasin sa të duan
Sipas rregullave të Kongresit, një senator mund të flasë sa të dojë, me kusht që të mos humbasë fjalën dhe të mos ketë kufizime të veçanta në debat. Senatorët duhet të qëndrojnë në këmbë dhe mund të bëjnë vetëm pushime minimale gjatë fjalëve të tyre.
Fjalimi më i gjatë i dokumentuar në historinë e Senatit Amerikan deri në atë kohë u mbajt nga Senatori Strom Thurmond në vitin 1957, duke zgjatur 24 orë e 18 minuta ndërsa përpiqej të bllokonte miratimin e Aktit të të Drejtave Civile.
Për t’u përgatitur fizikisht për këtë sukses, Booker për CNN tha se përdori “shumë taktika”, tha ai, duke përfshirë agjërimin dhe frenimin e marrjes së ujit në ditët e mëparshme për t’u siguruar që mund të qëndronte në këmbë për kaq gjatë dhe nuk do t’i duhej të bënte një pushim për të shkuar në tualet./Reporteri.net/
