Selvete Abdullahu vjen me një botim “ndryshe”, doli nga shtypi libri i saj i radhës
Pas botimit të katër librave të mëhershëm, kryesisht përmbledhje me poezi, si: “Emërtimi i ditës së nesërme”; “Baladë e humbur” e “Lot e dashuri”, si dhe botimit me primesa shkencore “Motivimi për të ardhmen”, autorja Selvete Abduallahu, vjen para lexuesve të saj me një botim ‘ndryshe’, të pestin me radhë, “Përceptime letrare nga këndi im”, një vepër kjo me vështrime kritike letrare.
Në këtë vëllim të botuar autorja ka përmbledhur pjesë nga puna e saj ndër vite në fushën e kritikës letrare, për ta realizuar, kurorëzuar e finalizuar me sukses vazhdimësinë e opusit te saj krijues, me këtë botim.
“Puna ime disa vjeçare nga fusha e kritikës letrare e përmbledhur në një libër, sot u realizua fal mbështetjes financiare të zyrës së kryetarit të Ferizajt, z. Agim Aliu të cilin e falenderoj përzemërsisht”.
Autorja, enkas për Tv Gjilani, u shpreh mirënjohëse ndaj botuesit, SHB ”Beqir Musliu” nga Gjilani, gjegjësisht kryetarit të ARS Club “Beqir Musliu”, z. Sabit Rrustemi, si dhe redaktorit Nexhat Rexha e Biser Mehmetit, i cili ka bërë përgatitjen teknike të librit.
Autorja është pjesëmarrëse me poezitë e saj në mbi 20 vepra të tjera letrare me grup autorësh.
