Sedat Pajaziti në krye të bankinës së KF Kika nga Hogoshti
Ish Futbollisti e trajneri i njohur, Sedat Pajaziti nga Tërnoci i Bujanocit, ka nëshkruar kontratë me KF Kika nga Hogoshti, përmes së cilës konfirmohet si trajner i ri për rrjedhën e edicionit 2022/2023 të Ligës së Parë, për ta udhëhequr këtë skuadër të njohur e me traditë.
Në anën tjetër, shiquar nga këndvështrimi i skuadrës hogoshtase, Pajaziti shihet si një trajner me pagazh e përvoj të gjatë në udhëheqje të shumë skuadrave, për ç’gjë vlerësohet si prurje adekuate për hapërimin e mëtejmë në vazhdim të garave në Viva Fresh Liga e Parë – Grupi “B”.
Në fakt Pajaziti i konfirmuar nga vet faqja zyrtare e skuadrës hogoshtase si trajner, vjen si pasues i Trimor Hasanit, me të cilin KF Kika mbylli bashkëpunimin ditë më parë.
“Sedat Pajaziti vjen në klubin tonë si kryetrajner pas një përvojë shumë vjeçare në shume klube të njohura kosovare. KF Kika i uron mirëseardhje shefit të ri të shtabit teknik dhe i dëshiron suksese në sezonin pranveror me klubin tonë në Ligën e Parë”, thuhet mes tjerash në faqen e kësaj skuadre në facebook.
Kujtojmë që Pajaziti dhe KF Kika njihen mirë pasi kanë bashkëpunim të gjatë mes vete, pasi bashkë me shumë ish-futbollistë nga Tërnoci i Bujanocit, në të kaluarën kanë mbrojtur ngjyrat e kësaj skuadre, dhe se nënshkrimi i kontratës mes klubit e tij është rrjedhojë që i kanë parapri performancat dhe kontributi, si dhe pikërisht bashkëpunimet e së kaluarës, si dhe objektivat e parashtruara të së ardhmes së përbashkët, të cilat duket se janë harmonizuar mirë për të rezultuar me marrëveshje të ndërsjellë.
Kujtojmë që edicionin vjeshtor në Viva fresh Liga e Parë, KF Kika e ka mbyllur me 17 pikë nga 14 ndeshje të zhvilluara, duke u renditur në pozitën e 6 në tabelë, që rrjedhimisht e kategorizon në rangun e skuadrave që luftojnë për mbijetesë.
𝗞𝗢𝗠𝗨𝗡𝗜𝗞𝗔𝗧Ë 𝗭𝗬𝗥𝗧𝗔𝗥𝗘
Sedat Pajaziti i bashkohet klubit tonë si kryetrajner 
KF Kika njofton se ka arritur marrëveshje me trajnerin e mirënjohur Sedat Pajaziti që ta drejtoj klubin tonë në pozitën e kryetrajnerit për sezonin pranveror.
Sedat Pajaziti vjen në klubin tonë si kryetrajner pas një përvojë shumë vjeçare në shume klube të njohura kosovare.
KF KIKA i uron mirë se ardhje shefit të ri të shtabit teknik dhe i dëshiron suksese në sezonin pranveror me klubin tonë në Ligën e Parë
Po ashtu KF Kika gjatë ditëve në vijim do t’iu njoftojë për sjelljet e reja në klub
