Seanca e Kuvendit të Komunës së Gjilanit, e ndërprerë më 29 shkurt, mbahet më 7 mars 2024
Të enjten më 7 mars 2024, mbahet seanca e Kuvendit të Komunës së Gjilanit. Kështu ka njoftuar zyra për informim në komunën e Gjilanit.
“Kuvendi i Komunës së Gjilanit do të vazhdojë nesër (e enjte, 7 mars 2024) seancën e dytë, e cila ishte ndërprerë më 29 shkurt, shkaku i mungesës së transmetimit Online”, thuhet në njoftim.
Sipas po atij njoftimi bëhet e ditur se seanca mbahet si zakonisht në sallën e Kuvendit dhe fillon nga ora 10:00h, ndërsa nuk saktësohet nëse do të ketë transmetim ‘online’, që rrjedhimisht është domosdoshmëri e njëherit ishte arsyeja e mos mbajtjes së seancës së paraparë të mbahej më 29 shkurt 2024.
