SC Gjilani rikthen në pankinë trajnerin 43-vjeçar, Vlonjatin – Gentian Mezani
SC Gjilani është rikthyer nga “skëterra” e të panjohurës të së ardhmes, për të filluar një etapë të re mobilizimi e konsolidimi, pas shumë dilemave që e kanë karakterziaur të ardhmen e klubit, nga largimi i pronarit të klubit, Florim Zuka – Tali.
Siç bëhet e ditur edhe pse jozyrtarisht, ish strategu i skuadrës nga Vlora, Gentian Mezani, do të jetë ai që do të rifilloj sfidën e konsolidimit me skuadrën, në krye të bankinës, për të vijuar me segmentet tjera.
ai do të ketë punë aspak të lehtë pasi pjesa dërmuese e lojtarëve tashmë janë larguar, duke e lënë strukturën e saj kryesore, atë të lojtarëve me përbërje gjysmake!
“Ndikuar nga situata e vështirë Federata e Futbollit të Kosovës e shtyu ndeshjen e parë mes Fushë Kosovës dhe Gjilanit, për t’u dhënë mundësi këtyre të fundit të riorganizohen”, shkruajnë media online.
Kujtojmë që SC Gjilani ishte pjesëmarrëse në raundin e parë të Conference League, por u eliminua nga skuadra Progres Niederkorn dhe menjëherë pas sfidës së kthimit ekipi u shpërbë!
Mezani ka drejtuar Gjilanin për rreth një viti e gjysmë paraprakisht, nga marsi i vitit 2019 deri në nëntor të vitit 2020.
