Rrugë e re alternative lidhëse në mes Vitisë dhe Gjilanit
Vitia dhe Gjilani po lidhen mes veti edhe me një rrugë tjetër.
Sot kanë filluar punimet parapërgatitore në asfaltimin e rrugës Viti-Gjilan, konkretisht përmes fshatit Ballancë dhe Kravaricë.
Siç ka bërë të ditur faqja zyrtare e Komunës së Vitisëm, i pranishëm në këto punime ishte kryetari i kësaj komune, Sokol Haliti me bashkëpunëtor. Ai tha se tani e tutje Vitia do ta këtë edhe një rrugë tjetër për t’u lidhur me territorin e komunës së Gjilanit.
“Realizimi i këtij projekti infrastrukturor është i një rëndësi të veçantë për banorët e dy komunave, jo vetëm për faktin që me të po hapet një arterie e rëndësishme e qarkullimit por edhe për faktin që fermerët do t’a kenë edhe më të lehtë qasjen në tokat e tyre bujqësore”, tha kreu i Vitisë Sokol Haliti.
Përndryshe në Kravaricë dhe zonën përreth ekzistojnë plantacione të ndryshme të pemëve por edhe tokat e shumta bujqësore që kultivohen nga fermerët e komunave Viti dhe Gjilan.
