Ronaldo e mbyll kampionatin me gol, shpallet golashënuesi më i mirë në Superligën arabe
Cristiano Ronaldo ka mbyllur një tjetër sezon të suksesshëm individualisht tek skuadra e Al-Nassr.
Portugezi e ka mbyllur kampionatin arab me gol në ndeshjen e fundit ndaj Al-Fateh.
Ronaldo realizoi në minutën e 42-të për epërsinë fillestare të skuadrës së tij, mirëpo në fund ata u mposhtën 3-2.
Ky ishte goli i 25 në këtë sezon i 40-vjeçarit krahas tri asistimeve.
Portugezi i prinë listës së golashënuesve në Superligën arabe, duke u shpallur golashënuesi më i mirë për sezonin 2024/25.
Ai tashmë ka të realizuar 936 gola gjatë gjithë karrierës së tij me klube e kombëtare dhe si synim ka të mbërrij shifrën e 1000 realizimeve.
