Rikthehet Albi MAll Superliga! Edicioni 2023/2024, superndeshja FC Drita – KF Llapi

Java e parë e Albi Mall, Superliga e Kosovës, fillon me super derbin mes Dritës dhe Llapit.

Të gjithë tifozët e futbollit kosovar sot do kenë mundësinë që në javën e parë të shohin një përballje spektakolare.

Në prag të edicionit 2023/24 në Superligë, FC Drita ka mbajtur konferencën e parë për media.

Në konferencë trajneri Akis Vavalis dhe kapiteni Rron Broja folën për ndeshjen ndaj Llapit.

Trajneri Akis Vavalis tha se ka punuar me djemtë që pas ndeshjeve në Evropë dhe nesër/sot duhet ta nisim kampionatin me fitore.

“Është shumë e rëndësishme të fitojmë nesër ndaj Llapit, sepse periudha e Evropës ka përfunduar dhe tani duhet të jemi të fokusuar në kampionat. Do të takohemi me një skuadër të fuqishne si në organizim edhe financiarisht, por më e rëndësishme për ne është si do shkojë performanca jonë. Kemi një skuadër shumë të mirë dhe kemi konkurrencë në çdo pozitë, por kjo është ajo që duam që të kemi sa më shumë futbollistë në dispozicion”, ka thënë Akis.

Ndërsa, kapiteni Ron Broja tha se ndeshja ndaj Llapit do të jetë e vështirë dhe pret agresivitet.

“Nesër na pret një ndeshje e vështirë ndaj Llapit. Jemi munduar të punojmë gjatë gjithë javës sepse e dijmë që skuadra kundërshtare është përforcuar shumë. Jemi të vetëdijshëm që ndeshjet në Evropë dhe kampionat ndryshojnë, por shpresoj dhe besoj që nesër të qasemi me seriozitet, të jemi agresiv, të fitojmë ndeshjen e parë dhe tri pikë”, ka thënë Broja.

Trajneri Vavalis më tej shtoi se Drita nuk do të jetë ndryshe as këtë vit, por me synim fitoren gjithmonë.

“Kemi me qenë më ofanziv, por gjithmonë duke e ruajtur formën dhe ruajtur portën. Sa i përket përbërjes kemi pasur bashkëpunim me Drejtorin Sportiv, Valon Zymberi dhe mendoj se kemi arritur përbërjen e duhur.

Në kuadër të javës së parë, FC Drita do të takohet me KF Llapin, e diele ora 17:00, stadiumi sintetik (te rrethi).