Riad Rashiti takon Bajram Spahiun nga Shoqata e të Verbërve në Ditën Botërore të Shkrimit “Braile”
Drejtori i Financave në Gjilan, Riad Rashiti, ka takuar Bajram Spahiun nga Shoqata e të Verbërve në Gjilan.
Takimi është organizuar në shënim të Ditës Botërore të të Verbërve, gjegjësisht shënimit të simbolikës së shkrimit “Braile”, ka shkruajtur Rashiti vec tjerash në faqen e tij në facebook.
“4 Janari “Dita Botërore e Shkrimit Braille” përkon me datën e lindjes së Luis Braille (4 janar 1809), krijuesit të këtij sistemi shkrimi për personat e verbër. Shkrimi ‘Braille’ është thelbësor në kontekstin e arsimimit, lirisë së shprehjes dhe mendimit si dhe përfshirjes sociale, sikurse parashikohet nga neni 2 i “Konventës për të Drejtat e Personave me Aftësi të Kufizuara””, ka shkruajtur vec tjerash Rashiti.
P o s t i m i:
4 Janari “Dita Botërore e Shkrimit Braille” përkon me datën e lindjes së Luis Braille (4 janar 1809), krijuesit të këtij sistemi shkrimi për personat e verbër.
Shkrimi Braille është thelbësor në kontekstin e arsimimit, lirisë së shprehjes dhe mendimit, si dhe përfshirjes sociale, sikurse parashikohet nga neni 2 i “Konventës për të Drejtat e Personave me Aftësi të Kufizuara”.
Si shkak i një aksidenti gjatë fëmijërisë, Braille mbeti i verbër në të dy sytë, megjithatë ky kufizim nuk e ndaloi të studionte dhe të arrinte sukses.
Alfabeti shqip në gjuhën e pikave është përgatitur nga Dilaver Zgjani dhe Liri Kamberi bazuar në alfabetin francez të Luis Braille
Gjatë studimeve të tij, në 1824, vetëm 15 vjeç, i frymëzuar nga kriptografia ushtarake e ushtrisë franceze, Braille zhvilloi një sistem kodesh në reliev të përbërë prej 6 pikash, në 3 rreshta, që mund të lejonte të verbërit të lexonin dhe shkruanin në mënyrë efikase.
Për herë të parë ky shkrim u aplikua në 1854, nga “Instituti Mbretëror i Francës për të Rinjtë e Verbër”, shkolla që L. Braille kishte ndjekur kur ishte fëmijë. Sistemi Braj përmban shkronjat e alfabetit, numrat, simbole muzikore, matematikore dhe shkencore.
