Regjistrimi i popullsisë dhe ekonomive familjare po shkon drejt fundit
Procesi i regjistrimit të popullsisë në Kosovë është në fazën përfundimtare. Në një konferencë të organizuar nga agjencia e Statistikave të Kosovës, u tha se deri më tani janë regjistruar rreth 1 milion e 400 mijë persona. Ky proces është në përfundim e sipër edhe në komunën e Gjilanit.
Drejtoresha e Administratës Publike në këtë komunë, vuri në dukje se procesi i regjistrimit, në pjesën më të madhe të territorit të komunës, tanimë është përmbyllur, ndërsa në një numër të caktuar lokalitetesh e qarqesh është në përfundim e sipër.
Sipas regjistrimit të vitit 2011, komuna e Gjilanit kishte 90 mijë e 178 banorë.
Nga ai numër 87 mijë e 814 ishin deklaruar shqiptarë, 624 serbë, 978 turqë, 121 boshnjakë, 361 romë, 15 ashkalinjë, 69 goranë, 1 egjiptian dhe 95 të deklaruar ‘ Të tjerë. Ndërsa nga numri i tërësishëm i qytetarëve rezidentë, 35 nga ta kanë preferuar të mos përgjigjen lidhur me përkatësinë etnike.
E kur kanë mbetur tri ditë deri në mbyllje të procesit të tërësishëm të regjistrimit, shifrat flasin për një dallim të ndjeshëm të numrit gjithëmbrashëm krahasuar me atëo të vitit 2011, ndonëse në ditët në vijim ato shifra mund të varirojnë pasi pritet të regjistrohen edhe një numër i caktuar i personave që për arsye të ndryshme akoma nuk janë regjistruar.
Por cilat janë statistikat e regjistrimit të fundit?
Një rënie e tillë ishte konstatuar edhe në vitin 2021, në një raport të institutit GAP, i cili asokohe i ishte referuar të dhënave të agjencisë së Statistikave të Kosovës, për periudhën 2011-2019.
Se cili do të jetë numri i përgjithshëm i banorëve rezidentë në Komunën e Gjilanit, mund të konstatohet si e dhënë definitive vetëm të premten më 17 maj 2024, në ora 16”00, kur do të përmbyllet zyrtarisht procesi.
