![Realizohet platforma digjitale për fermerët e Komunës së Gjilanit](https://tvgjilani.com/wp-content/uploads/2024/05/439437447_771661601736504_6105047441584729206_n.jpg)
Realizohet platforma digjitale për fermerët e Komunës së Gjilanit
Kryetari i Komunës së Gjilanit Alban Hyseni dhe rektori i Universitetit Publik “Kadri Zeka” në Gjilan, Artan Dërmaku, kanë bërë pranim-dorëzimin e projektit Platforma Digjitale për fermerët e Komunës së Gjilanit.
![](https://tvgjilani.com/wp-content/uploads/2024/04/vali-ranch-2.jpg)
I pari i komunës, tha se ka përfunduar projekti i dixhitalizimit për sektorin e bujqësisë nga Universiteti “Kadri Zeka”, në Gjilan.
![](https://tvgjilani.com/wp-content/uploads/2024/05/421935588_771661635069834_2878098277217524547_n.jpg)
Kryetari, tregoi se në ceremoninë e organizuar nga UKZ, rektori Artan Dërmaku, dorëzoi projektin.
“Ky bashkëpunim ishte mundësi për studentët dhe stafin akademik, që të jetësojnë platformën”, tha Hyseni.
Më tej kryetari i Gjilanit shtoi se tani e tutje, Platforma për Bujqësinë do të lehtësojë shërbimet, si dhe do të mundësojë vendimarrje të bazuar në të dhëna për institucionet lokale.
Nga ana tjetë rektori i Universitetit Publik “Kadri Zeka” në Gjilan, Artan Dërmaku, shprehu kënaqësinë e tij për bashkëpunimin e suksesshëm mes universitetit dhe komunës në këtë projekt inovativ.
“Përgëzoi studentët për punën e palodhshme dhe për talentin e tyre që kanë treguar se kanë potencial për të ndryshuar për të mirën në komunitetit e Komunës”, tha Dêrmaku.
![](https://tvgjilani.com/wp-content/uploads/2023/11/libertas2.jpg)