Rama: Po vazhdon me sukses adoptimi i qenve endacakë, në më pak se një javë janë adoptuar 30
Kryetari i Komunës së Prishtinës, Përparim Rama, ka thënë se po vazhdon me sukses adoptimi i qenve endacakë.
Sipas tij, në më pak se një javë janë adoptuar 30 qenë endacakë dhe se janë lajmëruar shumë qytetarë të cilët duan të adpotojnë këto kafshë.
“Në më pak se një javë janë adoptuar 30 qenë🐕 endacak, ndërkohë që janë lajmëruar shumë qytetarë të cilët duan të adoptojnë këto kafshë.
Ekipet tashmë janë duke i shqyrtuar kërkesat dhe në kohë të shkurtër do ju kthejnë përgjigjje. Po synojmë që secili qen🐕 në kryeqytet të ketë një pronar. Jemi siguruar që të ofrojmë kushte dhe trajtim human për qentë dhe siguri shtesë për qytetarët e kryeqytetit”, ka shkruar Rama.
