QKMF në Gjilan e mobilizuar për kujdes ndaj shëndetit të nxënësve në ditën e testit të maturës
Qendra Kryesore e Mjekësisë Familjare në Gjilan është organizuar dhe mobilizuar që të mbaj në kontrollë shëndetin e nxënësve gjilanas në ditën e testit të paraparë për maturës.
Lajmi e ka bërë të ditur faqja zyrtare e QMF-së, e cila thekson rëndësinë e testit të nxënësve maturantë të tanishëm, studentë e profesionistë të së ardhmes.
“Ky hap është ndërmarrë për të siguruar që çdo maturant të jetë në gjendje të mirë shëndetësore dhe të përgatitur për provimin e rëndësishëm që i pret”, thuhet vec tjerash në njoftim.
Njoftimi i plotë:
Ekipi ynë i kujdestarëve në Qendrën e Mjekësisë Familjare nis sot kontrollat nëpër shkollat e komunës, në kuadër të testit të maturës që do të zhvillohet. Ky hap është ndërmarrë për të siguruar që çdo maturant të jetë në gjendje të mirë shëndetësore dhe të përgatitur për provimin e rëndësishëm që i pret.
Jemi të përkushtuar të ofrojmë mbështetjen e nevojshme për nxënësit tanë në këtë periudhë të rëndësishme të jetës së tyre akademike.
Falënderojmë stafin mjekësor dhe administrativ për përkushtimin e tyre të vazhdueshëm në kujdesin ndaj komunitetit tonë.
