QKMF – Gjilan: Mirënjohje për 42 vite shërbim, Pensionohet infermierja Rrushe Hasimi
Pas më shumë se 42 vitesh përkushtim dhe shërbim të palodhur ndaj pacientëve, është pensionuar infermierja gjilanase Rrushe Hasimi.
Në vitin 1984, infermierja Rrushe filloi për herë të parë punën në ish-Shtëpinë e Shëndetit në Gjilan, sot QKMF “Dr. Nagip Rexhepi”. Gjatë gjithë karrierës së saj, ajo shërbeu me profesionalizëm, përgjegjësi dhe humanizëm të lartë, duke qenë një figurë e respektuar si nga kolegët ashtu edhe nga pacientët.
Inf. Rrushe shquhej për natyrën e saj të qetë, komunikimin e ngrohtë dhe qasjen shumë humane ndaj çdo pacienti. Për dekada me radhë, ajo kontribuoi në ruajtjen dhe përparimin e shëndetit, duke qenë shembull i etikës dhe përkushtimit profesional.
Ajo u pensionua në shkurt 2026, pranë QKMF-së “Dr. Nagip Rexhepi” në Gjilan, në një ceremoni të organizuar nga familjarët dhe kolegët e saj, të cilët e falënderuan dhe e uruan për kontributin e saj të çmuar ndër vite.
Në emër të menaxhmentit të QKMF-së, shprehim mirënjohjen më të thellë për kontributin shumëvjeçar të infermieres Rrushe Hasimi në shëndetësi, duke i dëshiruar shëndet të plotë, qetësi dhe gëzim në vazhdim të jetës së saj.
