![Qatar 2022 – Edhe zyrtarisht: FIFA nis procedurat kundër Serbisë, Zvicra dhe Xhaka nuk dënohen](https://tvgjilani.com/wp-content/uploads/2022/12/xhaka-boterori-2022-581x396-1.jpg)
Qatar 2022 – Edhe zyrtarisht: FIFA nis procedurat kundër Serbisë, Zvicra dhe Xhaka nuk dënohen
Ndër të tjera, zyrtarët dhe futbollistët serbë do të hetohen për sjelljet e pahijshme nga lojtarët dhe zyrtarët si dhe për diskriminim, njoftoi FIFA të hënën.
![](https://tvgjilani.com/wp-content/uploads/2024/04/vali-ranch-2.jpg)
![](https://tvgjilani.com/wp-content/uploads/2022/12/498681c1-87e6-406c-9709-a9d8fd0d8cfa-6.webp)
Ajo që ishte përfolur nga mediat në orët e paradites së sotme, tashmë u vërtetua edhe zyrtarisht: Federata Ndërkombëtare e Futbollit (FIFA) ka nisur procedurat disiplinore ndaj serbëve pas ndeshjes shpërthyese preliminare të Kupës së Botës ndërmjet Serbisë dhe Zvicrës (2:3), transmeton albinfo.ch. Ndër të tjera, do të hetohen sjelljet e pahijshme nga lojtarët dhe zyrtarët si dhe diskriminimi, njoftoi FIFA të hënën.
Ndeshja e së premtes ishte ndër më të “nxehtat” të luajtura ndonjëherë. Serbët, për shkak të humbjes dështuan sërish në fazën e grupeve.
Lexo edhe:
Kapiteni i Zvicrës, Granit Xhaka, është përplasur me pankinën serbe në pjesën e dytë dhe ka bërë një gjest që është konsideruar si i pahijshëm, shkruan sda.ch. Pas ndeshjes ai ka veshur fanellën e bashkëlojtarit të tij, Ardon Jashari, përcjell alboinfo.ch. Jashari është edhe emri i një luftëtari të pavarësisë, i cili konsiderohet si bashkëthemelues i Ushtrisë Çlirimtare të Kosovës dhe simbol i rezistencës ushtarake kundër serbëve. Ky veprim nuk kishte prapavijë politike, kishte kundërshtuar Xhaka zërat kritikë.
FIFA nuk ka njoftuar për ndonjë hetim ndaj 30-vjeçarit me rrënjë kosovare. Zvicra do të përballet me Portugalinë në fazën e 16-të të martën.
![](https://tvgjilani.com/wp-content/uploads/2023/11/libertas2.jpg)