Pse Turqia po bllokon perpjekjet e Suedisë dhe Finlandës për t’u anëtarësuar në NATO?
Telefonat në “Kulliye”, ne kompleksin e madh presidencial turk me 1100 dhoma, kanë rënë pa pushim ndërsa liderët dhe zyrtarët perëndimorë bëjnë thirrje për të gjetur përgjigjen e një pyetjeje urgjente: cili është çmimi i Presidentit Recep Tayyip Erdogan për mos lejimin e Suedisë dhe Finlandës të bashkohen në NATO?
Recep Tayyip Erdogan po përdor veton e tij – arsyet e tij për ta bërë këtë janë të ndryshme, raporton The economist, transmeton Mediakos.
Shumica e liderëve të NATO-s i kanë pritur dy aplikantët krahëhapur. Ndryshe nga shumë anëtarë të kohëve të fundit—më të fundit janë Mali i Zi dhe Maqedonia e Veriut—kërkuesit nordikë do të sillnin aftësi të avancuara ushtarake në aleancë dhe do të ndihmonin në forcimin e krahut të saj verior. Dhe duke braktisur traditën e tyre të mos-angazhimit, vendimi i tyre për t’u bashkuar me NATO-n është një qortim thumbues për Rusinë dhe luftën e saj agresive kundër Ukrainës.
