Protesta simbolike kundër Gjykatës Speciale, 5 mijë emblema të UÇK-së “pushtojnë” NEWBORN-in
Monumenti, NEWBORN këtë të martë është mbuluar me 5000 emblema magnetike të UÇK-së me rastin 18-vjetorit të shpalljes së pavarësisë. Platforma “Liria ka Emër” ka vendosur të kryeje një protestë simbolike duke vendosur këto emblema lidhur me burgosjen e ish-krerëve të UÇK-së.
“Aktivistët e platformës ‘Liria ka emër’, të cilët mbrëmë e rrethuan monumentin me hekura metalike, duke e kthyer në një imazh burgu, sot e kanë mbushur atë me emblema të UÇK-së”, thuhet në njoftim.
Eliza Hoxha nga organizata “Liria ka emër”, theksoi se ky reagim qytetar është ndaj padrejtësisë së Gjykatës Speciale ndaj 4 ish-krerëvë të UÇK-së ndërsa kërkojnë t’i burgosin për 45 vite.
