Promovohet libri “Qyteti i lindjes – Saranda”, i Prof. Dr. Josif Papagjoni
Dramaturgu Josif Papagjoni promovon librin “Qyteti i lindjes – Saranda”.
Me pjesëmarrje të krijuesve të shquar të qytetit të Sarandës e më gjërë, si dhe personaliteteve të shquara e figurave të nderuara të letërsisë, gazetarisë, artit e kulturës, është promovuar libri “Qyteti i lindjes – Saranda”, i Prof. Dr. Josif Papagjonit.
Poashtu, në prani të personaliteteve të shquara nga jeta publike e publicistike, kulturore e artistike, u tha se libri i 36 me radhë i autorit, pasqyron realitetin Sarandiot, njerëzit e qytetin si dhe ndodhitë që e kanë karakterizuar dhe e veçuar, me tërë atë kolorit shumëngjyrësh që ofron Saranda.
Autori i librit, krijuesi e kritiku, Josif Papagjoni, falënderoi pjesëmarrësit, ndërsa theksoi aspekte përmbajtësore të librit.
“Gjithësesi është një libër që flet edhe për atë çka e përfshinë Sarandën, qytetarinë e saj, historinë, atdheun tonë, punën, njerëzit etj, …”, tha ai në hapje të këtij eventi.
Kryetari Bashkisë së Sarandës, Adrian Gurma, e vlerësoi të rëndësisë veçantë këtë botim, sikurse edhe pjesëmarrjen e auditorit në këtë ngjarje.
“Jam i bindir që do jetë një libër i mrekullueshëm! – Them se do jetë i mrekullueshëm duke njohur autorin e tij, duke njohur profesor Josifin… Josifin tonë që s’i ndahet Sarandës; Josifin që rri larg Sarandës, Josifin e katër cepeve të shqipërisë, por para së gjithash Josifin tonë, Josifin e Sarandës pasi ai është yni, i Sarandës… Josifin i cili na e ka sjellur përmes librit Sarandën e mungur, Sarandën të cilën shumë prej nesh e kujtomë me nostalgji dhe shumë prej nesh që kemi nga një copëz të mozaikut që duhet ta plotësojmë. Siç ka thënë diku vet Josifi, “gjithësecili prej nesh është një bletë që punon, shtegëton dhe vjen e zbrazë nektarnin në koshere, pra në qytetin e tij.” – Këtë ka bërë pra Josifi, dhe nuk e ka bërë vetëm në këtë libër, por e ka bërë edhe në shumë libra tjerë”, shtoi më tej kryebashkiaku Gurmaj.
Puna për këtë libër ka nisur shumë vite më parë, u tha nga diskutues me këtë rast.
“kujtimet, mbresat, vlerësimet, emocionet, përshkrimet, kanë qenë të sistemuara prej kohësh në subkoshiencën e autorit, qysh kur ai mori për herë të parë në dorë penën, për t’iu përkushtuar krijimtarisë. Pas një pune të gjatë krijuese në libra, kushtuar teatrit dhe kinematografisë mbarëkombëtare, por edhe me disa libra artistike e drama, ai i është kthyer qytetit të tij, vendlindjes, banorëve të saj, dhe kontributeve të tyre në fusha të ndryshme”.
Libri “Qyteti i lindjes – Saranda”, i Josif Papagjoni është botuar pas një pune intensive me biseda të gjata e të shumëta të autorit me bashkëqytetarë të ndryshëm, si dhe një studimi të hollësishëm e të detajuar të qytetit të sarandës ndër vite, dekada e shekuj…
