Prizren: Vdes 25-vjeçari që u lëndua rëndë nga shpërthimi i fishekzjarrëve

25-vjeçari Abdurrahman Memaj ishte transferuar në Turqi për trajtim mjekësor, por fatkeqësisht nuk mbijetoi.

Lajmin e ka konfirmuar zëdhënësi i policisë për rajonin e Prizrenit, Shaqir Bytyqi, i cili tha se për vdekjen e viktimës, policia është njoftuar nga familjarët.

“Sot me datë 20.01.2025, rreth orës 11:00 Sektori Rajonal I Hetimeve nga Drejtoria Rajonale e Policisë në Prizren, nga një I afërm I familjes ështe informuar se viktima e rastit “Shkaktim I rrezikut të përgjithshëm” të ndodhur në Prizren me datë 31.12.2024 ( shpërthimi I fishekzjarrev), si pasoj e lëndimeve të marra sot ka vdekur.”