Press konferenca e FC Drita: – Vavalis, “nesër do ta kemi më vështirë se në ndjeshjen e parë”
Vavalis: Nesër do të takohemi përsëri me ekipin e Viktoria Plzen ku do të jetë një ndeshje mjaft e vështirë. Sa i përket bindjes sime, do të jetë një ndeshje edhe më e vështirë se që kishim në Çeki.
Pas ndeshjes së parë kemi një rezultat pozitiv, por kemi edhe një ndeshje, dhe kjo nuk do të thotë asgjë.
Kemi pasur kohë të përgatitemi mjaft por që dihet që kemi pasur edhe udhëtime, por do të luftojmë për shanset tona.
Në përgjithësi jam i kënaqur me lojtarët për ata çka kanë dhënë në fushë, por pres që të njejtën gjë ta bëjmë edhe nesër. E di që ekipi i Viktoria Plzen është favorit siç ka qenë edhe në ndeshjen e parë, por ne mendojmë që do të jemi në përparësi të vogël për shkak të fushës si vendës dhe mbështetjes së madhe që do të na japin tifozët tanë nga minuta e parë deri në fund.
Pavarësisht se çka do të ndodhë në ndeshjen e nesërme, jam shumë i lumtur për lojtarët e mi dhe e di që pavarësisht rezultatit ne do të japim gjithçka në fushë për klubin dhe të gjithë tifozët.
Jashari: E kemi ditur që do të jetë një ndeshje e veshtirë në Plzen dhe ashtu ndodhi, por pavarësisht që kemi marrë një rezultat pozitiv, nesër e kemi edhe një ndeshje të vështirë ku shpresojmë shumë që gabimet të cilat i kemi bërë në atë ndeshje, mos t’i përsërisim, sepse kemi punuar gjatë gjithë javës dhe kjo ndeshje besoj të jetë me fat për ne.
