Presidentja mes policisë në veri të Kosovës, uron Vitin e Ri|Foto
Në prag të ndërrimit të motmoteve, presidentja e Kosovës, Vjosa Osmani, vizitoi pjesëtarët e policisë në pikën kufitare në Bërnjak,që ndan Kosovën me Serbinë.
Gjithashtu, ajo vizitoi edhe bazat policore në Jasenovik e Bërnjak si dhe në kampin ‘Belvedere’.
Së bashku me Ministrin Sveçla, presidentja deklaroi se ka falenderuar pjesëtarët e policisë për shërbimin e tyre ndaj vendit, në mbrojtje të sovranitetit për siguri të të gjithë qytetarëve, pa dallim.
“Si shenjë të këtij vlerësimi, kam dekoruar njësi e zyrtarë policor me ‘Medaljen Presidenciale për Siguri’, deklaroi Osmani.
Ajo u shpreh se të gjithë pjesëtarëve të policisë u ka uruar Vitin e Ri 2023 me dëshirën për shëndet për ata e familjet e tyre si dhe për suksese të mëtejme për Republikën tonë.
