Presidenca: Integriteti territorial i Kosovës është i pacenueshëm
Blerim Vela, shefi i zyrës së presidentes së Kosovës, ka reaguar ndaj protestës së sotme të serbëve në afërsi të kufirit të Jarinës.
Ndarja e shpërblimeve dhe mirënjohjeve për më të mirët – Kulturë, Rini dhe Sport për vitin 2022
Më 22 dhjetor 2022
Ora 18:30h
Vendi: Amfiteatri i Shkollës së Muzikës – Gjilan
Ai ka thënë se protestuesit kaluan nga “pa dorëzim” në “të tërhiqemi”, ku sipas tij kjo tregon sa e organizuar ishte protesta e regjimit të Serbisë.
Vela ka shtuar se integriteti territorial i Kosovës është i pacenueshëm.
“Protestuesit kaluan nga “nema predaje” (pa dorëzim) në “hajmo nazad” (të tërhiqemi)… Kjo tregon se sa e organizuar ishte kjo “protestë” e regjimit të Serbisë. Kosova nuk do të bjerë pas kësaj teatrale të krahut të djathtë të sponsorizuar nga Beogradi dhe Moska. Integriteti ynë territorial është i pacenueshëm”, ka shkruar Vela në Twitter.
Ndryshe, disa protestues ishin mbledhur sot afër pikë kalimit kufitar mes Kosovës dhe Serbisë, Jarinjë, – në anën e territorit serb – si shenjë mbështetjeje ndaj serbëve lokalë që kanë ngritur barrikada në veri të Kosovës.
Protestuesit janë udhëhequr nga Damjan Knezheviq, që është njeri i afërt me grupin paramilitar rus “Wagner”.
