Policia gjen në tavanin e një shtëpie në Zveçan dy AK-47, disa karikatorë dhe sasi municioni
Policia e Kosovës sot rreth orës 10:30 në një shtëpi në Zveçanin e vogël në veri, në tavanin e një shtëpie kanë gjetur dhe konfiskuar dy armë zjarri AK-47, disa karikatorë dhe sasi e municionit dhe një elektroshok.
Policia e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi.
Poashtu, në njoftim Policia ka bërë të ditur se rasti nuk ndërlidhet me procesit e votimit për largimin apo jo të kryetarëve në katër komunat veriore.
Komunikata:
Policia e Kosovës, me datën 21.04.2024 rreth orës 10:30, si rezultat i angazhimeve të saja ka pranuar një informacion se në Zveçanin e vogël, në një shtëpi dyshohet për armë ilegale.
Sipas detyrës zyrtare është njoftuar prokurori kujdestar, me autorizim të të cilit zyrtarët policorë sipas procedurave të parapara kanë realizuar një operacion të kontrollit të një shtëpie, në tavanin e së cilës janë gjeture dhe konfiskuar dy armë zjarri AK-47, disa karikatorë, një sasi e municionit dhe një elektroshok.
Policia e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi.
Vlen të potencohet se ky rast nuk ndërlidhet me procesin e votimit, për apo kundër largimit nga funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe Zveçanit.
