![Policia e Shqipërisë i ofron 30 mijë euro shpërblim për kapjen e 23-vjeçarit që vrau policin](https://tvgjilani.com/wp-content/uploads/2024/05/Screenshot-2024-05-13-162253ss.png)
Policia e Shqipërisë i ofron 30 mijë euro shpërblim për kapjen e 23-vjeçarit që vrau policin
Policia e Shqipërisë ka kërkuar ndihmën e qytetarëve për kapjen e 23-vjeçarit A.M., i cili dyshohet se kishte privuar nga jeta policin N.C.
![](https://tvgjilani.com/wp-content/uploads/2024/04/vali-ranch-2.jpg)
Përmes një njoftimi për media, Policia njofton se ofrojnë 30 mijë euro shpërblim për atë që ofron informacione që mund të çojnë në lokalizimin e vendndodhjes së të dyshuarit.
“Kushdo që ka informacion të telefonojë në numrin pa pagesë 112, duke iu garantuar anonimatin. Për çdo informacion të vlefshëm, Policia e Shtetit vë në dispozicion shpërblimin 30 000 euro. Ndërkohë, shërbimet e Policisë së Fierit, Forca Kombëtare e Sigurisë dhe Reparti Special “RENEA”, në drejtimin e Drejtorit të Përgjithshëm të Policisë së Shtetit, vijojnë veprimet operacionale në zonë, me qëllim kapjen dhe vënien në pranga të 23-vjeçarit. Gjithashtu, në të gjitha akset rrugore lidhëse me qarkun Fier janë ngritur pika kontrolli”, thuhet në njoftimin e Policisë.
![](https://tvgjilani.com/wp-content/uploads/2023/11/libertas2.jpg)