Policia e shpall në kërkim, kërkon bashkëpunim nga qytetarët

Policia e Kosovës e ka shpallur në kërkim Sokol Halilin nga fshati Godanc i Shtimes, si i dyshuar për vrasjen e mbrëmshme të gruas së tij në oborrin e QKUK-së.

Policia ka publikuar fotografi me të dhënat e të dyshuarit, ndërsa ka kërkuar bashkëpunim nga qytetarët për kapjen e tij.

Njoftimi i plotë nga Policia:

Kërkesë për bashkëpunim:

Njësiti i hetimeve të përgjithshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në arrestimin e personit të dyshuar.

I dyshuari Sokol Halili, i lindur më 07.05.1991, nga fshati Godanc KK Shtime, kërkohet për vrasjen e rëndë që ka ndodhur më 30.11.2022, në Prishtinë.

Të nderuar, për çdo informatë që mund të çojë në identifikimin e vendndodhjes së personit të dyshuar kontaktoni Policinë në numrin e telefonit 192.