Përurohet kabineti i robotikës në Gjimnazin Natyror “Xhavit Ahmeti”
Është përuruar kabineti i robotikës në Gjimnazin Natyror “Xhavit Ahmeti”, projekt i financuar nga Republika e Turqisë dhe implementuar nga Forcat e Armatosura të Turqisë në KFOR.
Kryetari Alban hyseni, në faqen e tij në facebook, ka vlerësuar lart laboratorin e robotikës, të përuruar sot në shkollën “Xhavit Ahmeti”.
“Nga viti shkollor 2005/2006 deri në vitin 2008/2009, sa isha nxënës në Gjimnazin Natyror “Zenel Hajdini”, nuk kishte as laborator për shkencat e natyrës”, ka shkruar ai.
“Përveç laboratorëve që tashmë janë bërë, sot kemi përuruar edhe laboratorin e robotikës.
Investime të reja çdo ditë! Infrastrukturë bashkëkohore për çdo shkollë!”, ka shtuar Hyseni në postimin e tij në rrjete sociale.
E në përurimin e laboratorit, drejtori i shkolles “Xhavit Ahmeti”, Bekim Mustafa, tha se kabineti i robotikës, është një mbështetje e jashtëzakonshme për nxënësit në përsosjen profesionale në fushën e teknologjisë.
Ai falënderoi Republikën e Turqisë, për mbështetjen e vazhdueshme me besimin se ky bashkëpunim i vendosur mbi baza të shëndosha në kërkim të dijes e suksesit do të vazhdojë të thellohet.
Nënkryetarja Leonora Morina Bunjaku, në emër të kryetarit të Gjilanit Alban Hyseni, falënderoi Republikën e Turqisë për këtë mbështetje, e cila do ta lehtësoj punën e mësimdhënësve si dhe nxënësve do t’iu mundësoj që të zhvillohen në hap me kohën sa i përket teknologjisë së avansuar.
Ajo falënderoi shtetin e Turqisë për mbështetjen e dhënê para, gjatë e pas luftës në Kosovë.
“Ijemi mirënjohës Republikës së Turqisë për të gjitha”, tha Morina Bunjaku.
Në emër të Kryesisë së Këshillit Turk në Kosovë, komandanti i Forcave të Armatosura Turke (KFOR) Zafer Sağlam, vlerêsoi lartë projektin e realizuar të kabitetit të robotikës, duke e quajtur një dritare të re për dije.
Ai premtoi vazhdimin e projekteve tjera sidomos në fushën e arsimit.
Ambasadori i Turqisë në Kosovë Sabri Tunç Angili, tha se ndihet i lumtur të jetë pjesë e përurimit të kabinetit të robotikës.
“Kosova është një vend mik i Turqisë dhe mbështetja është e rëndësishme për vllezërit tanë”, tha ambasadori Angili.
“Është e natyrshme që miqtë të mbështesin njëri-tjetrin, e shumë janë të rëndësishme investimet në fushën e arsimit, ngase invesimi më i madh për një shtet është investimi në fushën e arsimit, në gjeneratat e reja që janë e ardhmja e një vendi” tha ambasadori i Turqisë në Kosovë.
Sipas tij investimet turke në Kosovë janë shumë me rëndêsi.
Ambasadori Angili, falënderoi Forcat e Ushtrisë Turke, për realizimin e projektit të kabinetit të robotikës.
Të gjitha reagimet:
1515
