Përmbyllja e Turneut në futboll,.mesazh nga kryetari i Bujanocit Arbër Pajaziti
Komuna e Bujanocit e dha provimin: Sonte përfundoi Turneu Mbarëkombëtar në Futboll “Tërnoci 2025”
Kisha kënaqësinë dhe nderin të ndaj kupën për fituesin e turneut, skuadrën nga Peja.
Por ky turne ishte shumë më tepër se një garë sportive. Ishte një bashkim i zemrave tona nga Durrësi, Tetova, Ulqini e deri te Bujanoci.
Ishte emocionuese të shihje shqiptarët nga të gjitha trevat, të mbledhur rreth një qëllimi të përbashkët, dashurisë për futbollin dhe për njëri-tjetrin.
Shpresoj që ishim nikoqirë të mirë dhe që çdo mysafir u ndje si në shtëpinë e vet.
Uroj që ky turne të vazhdojë për jetë e mot, sepse ai nuk është vetëm një ngjarje sportive, por një festë e unitetit dhe krenarisë sonë kombëtare.
Le të fitojë gjithmonë futbolli. Le të fitojnë shqiptarët!
Në fund të mbrëmjes, ndamë edhe disa dhurata simbolike për çdo qytet pjesëmarrës – një kujtim i vogël për një përjetim të madh.
Falënderim nga zemra për të gjithë ata që kontribuan në organizimin dhe mbarëvajtjen e këtij turneu. Pa ju, kjo nuk do të ishte e mundur.
