Bujanoci – përgatitjet për buxhetin e vitit 2025
Kryetari i komunës së Bujanocit, Arbër Pajaziti, ka tubuar sot drejtuesit e Bashkësive Lokale, Ndërmarrjeve Publike dhe shkollave për të diskutuar rreth buxhetit për vitin 2025.
Postimi i Pajazitit:
Sot patëm një diskutim të frytshëm me drejtuesit e ndërmarrjeve publike, ata të shkollave dhe kryetarët e bashkësive lokale rreth propozim buxhetit për vitin 2025.
Si vetqeverisje lokale do të bëjmë gjithçka që të gjitha shtresat shoqërore të jenë të përfshira në propozimet e këtij akti financiarë, me qëllim që në vitin e ardhshëm të plotësohen nevojat e tyre.
Ndërkohë, komuna jonë, për herë të parë do të marrë edhe sugjerimet e qytetarëve përmes një platforme të specializuar e cila do të jetë e disponueshme ditëve në vijim.
