Për herë të parë në historinë e Lindjes së Mesme, uria konfirmohet zyrtarisht në Gaza
Një organ i mbështetur nga OKB-ja përgjegjës për monitorimin e sigurisë ushqimore thotë se uria është konfirmuar në Qytetin e Gazës për herë të parë.
Një raport i mbështetur nga OKB-ja ka konfirmuar se në Gaza ka zi buke të përhapur, hera e parë që një zi buke është shpallur në Lindjen e Mesme.
Klasifikimi i Fazës së Integruar të Sigurisë Ushqimore (IPC) e ka ngritur klasifikimin e tij në Fazën 5, niveli më i lartë dhe më i keq i shkallës së pasigurisë akute ushqimore.
Ai thotë se uria është konfirmuar në Gaza me “kushte katastrofike” që parashikohen të zgjerohen në Deir al-Balah dhe Khan Younis deri në fund të shtatorit.
Më shumë se 500,000 njerëz në Rripin e Gazës po përballen me “uri, varfëri dhe vdekje”, u tha në raport.
Uria në Gaza është “tërësisht e shkaktuar nga njeriu”, thotë raporti i IPC-së, duke shtuar se ajo mund të “ndalohet dhe të përmbyset”.
“Koha për debat dhe hezitim ka kaluar, uria është e pranishme dhe po përhapet me shpejtësi”, shton raporti.
IPC – një iniciativë globale nga agjencitë e OKB-së, grupet e ndihmës dhe qeveritë – është mekanizmi kryesor që bashkësia ndërkombëtare përdor për të arritur në përfundimin nëse po ndodh një zi buke.
Raporti i saj prej 59 faqesh, thotë se nuk duhet të ketë “asnjë dyshim në mendjen e askujt se nevojitet një përgjigje e menjëhershme dhe në shkallë të gjerë”.
“Çdo vonesë e mëtejshme – edhe me ditë – do të rezultojë në një përshkallëzim krejtësisht të papranueshëm të vdekshmërisë së lidhur me zinë e bukës”, shton raporti.
