Pensionohet zyrtari i Administratës Publike në Gjilan, Shefki Dauti
Pas një periudhe 30-vjeçare të punës në Administratën Komunale, gjegjësisht në Drejtorinë e Administratës Publike, në Gjilan, është pensionuar zyrtari, Shefki Dauti.
Angazhimi i tij dhe përkushtimi permanent në punë dhe në shërbim të qyterarëve ka qenë maksimal dhe i dinjitetshëm. Ai është vlerësuar e radhitur në mesin e personaliteteve zyrtare të spikatura të administratës komunale në Gjilan.
Në ceremoninën e organizuar me rastin e pensionimit, z. Dauti ka falënderuar kolegë, miqë e bashkëpuntorë, me të cilët ka punuar e ndërvepruar me vite e dekada.
“Ju falënderoj të gjithëve që më shoqëruat deri sot në këtë rrugëtim shumëvjeçar në Kuvendin Komunal. Ndahem i kënaqur me punën dhe respektin që mora nga të gjithë, gjithashtu edhe me prezencën e juaj sonte”, ka shkruar veç tjerash në profilin e tij në facebook, zyrtari i Kuvendit Komunal, tashmë i pensionuar, z. Shefki Dauti.
