Pensionohet Nazmije Demiri, zyrtare e kontabilitetit në KRU “KRU “Hidromorava” SH. A – Gjilan
Pas 24 vitesh shërbimi të përkushtuar, pensionohet e nderuara Znj. Nazmije Demiri, zyrtare e kontabilitetit në KRU “KRU “Hidromorava” SH.A – Gjilan.
Me rastin e daljes së saj në pension, Menaxhmenti dhe stafi i Kompanisë “Hidromorava” ka shprehur mirënjohjen dhe vlerësimin më të thellë për Znj. Nazmije, e cila ka dhënë një kontribut të jashtëzakonshëm në rolin e saj si kontabiliste.
“Për shumë vite kemi pasur privilegjin të punojmë me të, dhe gjatë kësaj periudhe, ajo ka spikatur për profesionalizmin, ndershmërinë dhe përkushtimin e saj të pashoq”, thuhet në njoftimin e KRU Hidromorava.
“Në Kompani, të gjithë e kemi njohur dhe respektuar si “Zonja Nazë”, pasi ajo ka përfaqësuar me plot kuptimin e fjalës atributet e një zonje të vërtetë. Si në detyrat profesionale ashtu edhe në marrëdhëniet ndërpersonale, Znj. Nazmije ka qenë një shembull frymëzimi për ne të gjithë. Me përgjegjshmëri të lartë dhe saktësi në çdo detyrë, ajo ka qenë një shtyllë kyçe në suksesin e Kompanisë”, thuhet më tej në njoftim.
“Përveç anës profesionale, Znj. Nazmije do të kujtohet gjithmonë për natyrën e saj të butë, mbështetëse dhe njerëzore. Ajo ka krijuar një atmosferë të ngrohtë dhe miqësore me të gjithë kolegët, duke fituar respektin dhe admirimin e çdo kujt që ka pasur fatin të punojë me të”.
“Teksa Znj. Nazmije fillon këtë kapitull të ri në jetën e saj, i urojmë një pension të lumtur, të mbushur me shëndet dhe gëzim”, u tha me rastin e pensionimit të saj.
Faleminderit për gjithçka, Zonja Nazë!
Me respekt dhe mirënjohje,
KRU “Hidromorava” Gjilan
