Peci: Sot u procesuan 17.1 milionë euro për fermerët
Ministri në detyrë i Bujqësisë, Pylltarisë dhe Zhvillimit Rural, Faton Peci, ka njoftuar se sot janë procesuar 17.1 milionë euro për fermerët, si mbështetje nga Programi për Pagesa Direkte 2025, shkruan Reporteri.net.
Ai ka thënë se këto mjete do të transferohen për pak ditë në llogaritë e tyre bankare.
“Ju lumshin duart për mundin që bëni për të ushqyer Kosovën!”, ka shkruar Peci.
