Peci e merr në koalicion LDK-në, Safet Kamberi zgjidhet kryesues i Kuvendit të Mitrovicës
Kryetari i Komunës së Mitrovicës së Jugut nga Lista Guxo, Faton Peci, ka arritur koalicion me Lidhjen Demokratike të Kosovës për udhëheqje në këtë komunë.
Safet Kamberi nga LDK është zgejdhur kryesues i Kuvendit të Mitrovicësu. Ai mori 18 vota për, 10 kundër dhe dy ishin të pavlefshme.
Kamberi ishte i vetmi kandidat për këtë pozitë, dhe u votua nga asambleistët e LDK-së, VV-së dhe Guxo-s.
Kujtojmë se Kuvendi i Komunës së Mitrovicës së Jugut kishte ftuar sonte mbledhje urgjente, dhe sot ishte afati i fundit për ta thirrur seancën.
Thirrja e kësaj seance vjen në orët e fundit të afatit ligjor, pasi sipas Ligjit për Vetëqeverisje Lokale, kryesuesi duhet të zgjidhet brenda 30 ditëve nga betimi i kryetarit të komunës.
