Pas zgjedhjes së kryetarit, Kuvendi ngelet gjysmë – sytë te seanca e sotme

Deputetët e Kuvendit të Kosovës do t’i drejtohen sot përsëri sallës plenare, në tentativën për ta përmbyllur konstituimin e institucionit më të lartë ligjvënës.

Edhe pse në seancën e kaluar u zgjodh kryetar i Kuvendit Dimal Basha, ndërsa për nënkryetarë morën votat e nevojshme Albulena Haxhiu, Vlora Çitaku dhe Kujtim Shala, procesi mbeti i paplotë.

Arsyeja ishte se kandidatët e propozuar nga komuniteti serb nuk siguruan mbështetjen e mjaftueshme.

Nëse do të zhbllokohet ngërçi institucional apo jo, do të dihet sot nga ora 11:00, kur nis seanca e re plenare.