Pas largimit të Ramiz Lladrovcit, PDK-ja emëron Petrit Hajdarin kryetar të degës në Drenas
Petrit Hajdari është emëruar ushtrues detyre i kryetarit të Degës së PDK-së në Drenas, të cilën e ka mbajtur deri tani Ramiz Lladrovci.
Partia Demokratike e Kosovës ka njoftuar se në mbledhjen e rregullt të Kryesisë së saj, përveç shqyrtimit të zhvillimeve politike në vend, ka diskutuar edhe për dinamizimin e përgatitjeve për zgjedhjet lokale të 12 tetorit.
“Në këtë kuadër, në bazë të statutit të partisë, Kryesia e PDK-së ka emëruar strukturat udhëheqëse të përkohshme të Degës së Drenasit, Kryesinë e re të saj, duke i dhënë kompetencat për të plotësuar edhe strukturat në nivel të nëndegëve. Me unanimitet të plotë, Petrit Hajdari është emëruar ushtrues detyre i kryetarit të kësaj dege, duke marrë besimin e Kryesisë për të udhëhequr proceset e radhës”.
“Partia Demokratike e Kosovës hyn në këto zgjedhje me vizion të qartë: fitore bindëse në komunat ku qeverisim, fitore të reja në komuna të tjera dhe modelim të një qeverisjeje më të mirë, me qytetarin në qendër”, thuhet në njoftim.
