Partesh: Në stacionin policor në Partesh përurohet dhoma mike donacion i KFOR-it Amerikan
KOMUNIKATË PËR MEDIA – Gjilan, 29 gusht 2025
Në stacionin policor në Partesh përurohet dhoma mike donacion i KFOR-it Amerikan
Me datën 29.08.2025, në hapësirat e Stacionit Policor në Partesh, në prani Zëvendës Komandantit të Policisë së Kosovës Remzi Azemi, dhe Zëvendës Komandantit të KFOR-it, Nënkolonel Nicholas Acosta regjion i Lindjes dhe përfaqësues nga shtabi i përgjithshëm i KFOR-it është përuruar dhoma mike .
Në përurim po ashtu morën pjesë stafi i Drejtorisë Rajonale të policisë Gjilan, stacionit policor në Partesh si dhe Kryetari i Komunës së Parteshit.
Dhoma mike e përuruar sot është investuar nga misioni paqeruajtës në Kosovë, KFOR-i Amerikan.
Me këtë rastë Nënkolonel Azemi falënderoj KFOR për mbështetjen dhe doancionin për mobilimin e dhomës mike e cila do të ofroj kushte optimale për intervistimin e viktimave të dhunës në familje në veçanti.
Edhe Nënkolonel Acosta vlerësoi lartë bashkëpunimin me Policinë e Kosovës dhe shprehu gatishmëri që edhe në të ardhmen të gjejë forma bashkëpunimi dhe mbështetje për Policinë e Kosovës.
Njëzëri u vlerësua se ky investim është mjaft i rëndësishëm për përmirësimin e kushteve dhe akomodimin e përkohshëm të viktimave të dhunës në familje.
Po ashtu ky investim ka për qëllim krijimin e një ambienti sa më të sigurt, të rehatshëm dhe më të denjë për rikuperimin e viktimave, duke mundësuar kushte më të mira për strehim dhe përkujdesje të menjëhershme.
Investimet përfshijnë renovimin e hapësirës, pajisjen me mobilie të reja, shtimin e pajisjeve të nevojshme teknologjike, si dhe krijimin e një ambienti që ofron mbështetje psikologjike dhe emocionale për personat në nevojë.
Institucionet e përfshira ri konfirmojnë përkushtimin e tyre për të bashkëpunuar në luftën kundër dhunës në familje, duke ofruar mbështetje të vazhdueshme për viktimat dhe duke fuqizuar mekanizmat mbrojtës.
