Parashikimi i motit për të shtunën, 22 nëntor 2025

Të shtunën parashikohet të mbajë mot kryesisht i vranët dhe herë pas here me reshje lokale shiu, të cilat në momente të caktuara pritet të jenë në formë të rrebesheve, të shoqëruara me ndonjë shkarkesë elektrike.

Reshjet më të intensifikuara pritet të jenë gjatë pasditës, kjo si pasojë e kalimit të frontit të ftohtë. Në zonat malore priten reshje bore, ndërsa deri në mbrëmje, reshjet e borës mund të paraqiten edhe në zona të ulëta, specifikisht në verilindje të vendit.

Era do të fryjë drejtimesh të ndryshme, e cila herë pas here pritet të jetë e fuqishme, me shpejtësi prej 15-40 km/h.

Temperaturat do të pësojnë ulje, me minimale që do të lëvizin prej 5 deri në 8°C, ndërsa ato maksimale prej 6 deri në 14°C. /MeteoKosova/