Parashikimi i motit për të Mërkurën, 26 prill 2023

Për të Mërkurën parashikohet të mbajë mot kryesisht i vranët në pjesën e parë të ditës dhe me reshje shiu, të cilat lokalisht do të jenë në formë të rrebesheve.

Gjatë orëve të pasditës priten gradualisht edhe intervale kohore me diell, përderisa reshjet do të mbesin të izoluara. Ka mundësi të ketë ndonjë vetëtimë dhe bubullimë.

Era do të fryjë nga kuadrati i veriut, e cila kohë pas kohe pritet të jetë e fuqishme, me shpejtësi prej 15-50 km/h!

Temperaturat do të pësojnë ulje, me minimale që do të luhaten prej 7 deri në 9°C, ndërsa ato maksimale prej 10 deri në 14°C.

Burimi i lajmit: /MeteoKosova/