Parashikimi i motit për të Martën, 06 qershor 2023
Për të martën parashikohet të mbajë mot me vranësira të shpeshta dhe intervale me diell, ku pritet gjatë orëve të pasditës dhe mbrëmjes të ketë reshje lokale shiu, të cilat në momente dhe zona të caktuara pritet të jenë në formë të rrebesheve, të shoqëruara me shkarkesa rrufesh dhe breshër.
Era do të fryjë kryesisht nga drejtimi i juglindjes, e cila në momente të caktuara pritet të jetë e fuqishme, me shpejtësi prej 10-45 km/h!
Temperaturat minimale do të luhaten prej 13 deri në 16°C, ndërsa ato maksimale prej 21 deri në 27°C. /MeteoKosova/
