Pajaziti: “Për një Bujanoc më të rregulluar dhe më funksional”

“Qëllimi i këtij inspektimi është të hartojmë një plan të ri për organizimin e komunikacionit në Bujanoc, duke shqyrtuar mundësitë për rrugë njëkahëshe apo dykahëshe, si dhe krijimin e parkingjeve të reja që do të lehtësojnë qarkullimin dhe përditshmërinë e bashkëqytetarëve tanë”, ka deklaruar Pajaziti.

Ai theksoi se gjatë inspektimit është vënë theksi edhe në rregullimin e hapësirave publike në qendër të qytetit, duke synuar krijimin e një ambienti më të rregullt dhe më të këndshëm.

“Gjatë inspektimit i dhamë rëndësi të veçantë sistemimit të kiosqeve, për të krijuar një qytet më të organizuar dhe më estetik për të gjithë”, shtoi Kryetari.

Pajaziti ka bërë të ditur se një ndër prioritetet e tij është krijimi i këndeve të reja të lodrave për fëmijë. “Do të punojmë për të krijuar hapësira të reja për lojëra për fëmijët, veçanërisht në parkun e qytetit, por edhe në lagje të tjera ku ka nevojë për të tilla hapësira”, tha ai.

Në përfundim, Kryetari Pajaziti është shprehur i vendosur për ta bërë Bujanocin një vend më të mirë për të jetuar:

“Jam i përkushtuar që Bujanoci të bëhet një qytet më funksional, më i rregulluar dhe më i përshtatshëm për të jetuar. Së bashku me ekipin tim, do të vazhdojmë të punojmë çdo ditë për të përmirësuar jetën e përditshme të bashkëqytetarëve tanë.

Bujanoci është shtëpia jonë e përbashkët dhe së bashku do ta bëjmë më të bukur dhe më të lehtë për të gjithë!”