ORCA me aksion simbolik para Rektoratit – “rreth plagjiaturës të përbashkuar”
Organizata për Rritjen e Cilësisë në Arsim (ORCA) ka mbajtur aksion simbolik para Rektorit të Universitetit të Prishtinës (UP).
Aksioni me moto “rreth plagjiaturës të përbashkuar” mëton që përmes ironisë sarkastike të sensibilizoj opinionin e gjërë lidhur me botimet autoriale të disa profesorëve universitar, duke mos respektuar minimumin e standardeve botuese, me të cilat veprime jepet shembull aspak i mirë për studiuesit e gjeneratës së re.
Dibran Hoxha nga kjo organizatë tha se Altin Sahiti nga Ministria e Arsimit, Selim Bezeraj dhe Rifat Krasniqi, shkarkuan ish-rektorin Naser Sahiti të premten pa as një justifikim të qëndrueshëm.
“Për Këshillin Drejtues të Universitetit të Prishtinës, himni fillon: Rreth plagjiaturës të përbashkuar! Altin Sahiti nga radhët e Ministrisë së Arsimit në bashkëpunim të ngushtë me plagjiatorin Selim Bezeraj dhe infamozin Rifat Krasniqi, te premten shkarkuan rektorin Naser Sahiti pa mundur të japin asnjë justifikim te qëndrueshëm për këtë shkarkim” tha ai.
“Kush do ta mendonte se vetëm 21 ditë pas ardhjes në pozitë të plagjiatorit dhe infamozit të cilët e filluan mandatin e tyre në Këshill Drejtues më 1 tetor, do të arrinin marrëveshje me përfaqësuesit nga radhët e Ministrisë së Arsimit për ta shkarkuar rektorin”, tha ai.
