Operacioni policor në argjendaritë në rajonin e Gjilanit – gjashtë të dyshuar arrestohen

Sektori për Hetimin e Korrupsionit i Policisë së Kosovës në koordinim me Doganën e Kosovës pas dyshimit për tregti të paligjshme nga disa biznese që ushtronin veprimtarinë argjendarive, kanë ndërmarrë veprime operacionale në rajonin e Gjilanit.

Aksioni ka përfshirë shtatë lokacione të ndryshme.

Gjatë kontrollit janë gjetur dhe sekuestruar përkohësisht: 33kg e 310 gram ari (tridhjetë e tre kilogram e treqind e dhjetë gram ari), 14.650.00€ dhe 9.720.00 franga zvicerane.

Lidhur me rasti janë arrestuar gjashtë persona të dyshuar dhe pas intervistimit me vendim të prokurorit kujdestar janë dërguar në mbajtje.