OAK: Nesër afati i fundit për aplikim në trajnimin për Provimin e Jurisprudencës
Oda e Avokatëve të Kosovës ka njoftuar për trajnimin për përgatitjen e Provimit të Jurisprudencës dhe detajet për këtë proces, që do të zgjasë tetë javë.
Nga OAK kanë bërë me dije se trajnimi do të mbahet çdo të shtunë dhe të diel, në zyrat e Odës, në Prishtinë, nga ora 10:00 deri në 17:00.
Ndërkaq, kandidatët e interesuar për trajnim duhet të paguajnë 250 euro dhe nesër është afati i fundit.
Trajnimi do të udhëhiqet nga profesionistë të njohur dhe ekspertë të fushës juridike në Kosovë.
Postimi i plotë i OAK:
Oda e Avokatëve të Kosovës ka kënaqësinë t’ju ftojë në trajnimin për përgatitjen e Provimit të Jurisprudencës. Ky trajnim është një mundësi e shkëlqyer për të forcuar njohuritë tuaja dhe për t’u përgatitur për provim.
Trajnimi do të mbahet çdo të shtunë dhe të diele në zyrat e OAK-së, nga ora 10:00 deri në 17:00, dhe do të zgjasë 8 (tetë) javë. Pagesa për trajnim është 250 Euro.
Trajnimi do të udhëhiqet nga profesionistë të njohur dhe ekspertë të fushës juridike në Kosovë.
Për t’u bërë pjesë e këtij trajnimi, dërgoni kërkesën tuaj në adresën e emailit: info@oak-ks.org Në kërkesë, shkruani kontaktet tuaja (Emrin/mbiemrin, numrin e telefonit, e-mail adresën).
Afati për aplikim është deri më datën 30 shtator 2024.
Stafi i OAK-së do t’ju informojë me kohë për detajet e fillimit të trajnimit.
Faleminderit dhe presim aplikimet tuaja!
