Nostalgjia e 96 vjeçarit, për vitet e rinisë në Malësi të Hashanisë

Shumë banorë nga trevat e tyre janë shpërngulur në Gjilan, duke lënë tërë pasurinë dhe pronat e paluajshtme në atë që njihet si “Treva e Hashanisë”, apo Malësia e Bujanocit.

Fshatrat që dikur ishin mjaft të populluara, Zarbica, Priboci, Qarri, Liteshi, Suharrna, Ramabuça, Fshati i ri i Epërm etj, tashmë janë zbrazur gati-gati plotësisht, por mallëngjimi i atyre banorëve për vendlindjen, që dikur jetonin vitet e rinisë në ato treva, nuk shuhet asnjëherë.

I tillë është edhe mallëngjimi i 96-vjeçarit, Ramiz Abdullahu, nga fshati Priboc. Ka vite e vite që ai jeton me familje në Gjilan, rreth 60 kilometra larg nga vendlindja e tij në Malësi të Bujanocit, por malli për vendin e lindjes asnjëherë nuk iu shua, ndaj jo rrallë kthehet atje për të vizituar vendet e ëndrrave fëmijrore e rinore.

“Ramiz Avdullahi plaku 96 vjeçar nga fshati Pribovc, përkundër moshës që e ka, ende është i fortë dhe e viziton shpesh vendlindjen e tij Pribovcin, fshat në të cilin kaloi pjesën më të madhe të jetës së tij”, shkruan faqja “Trevat e Hashanisë”, duke ia bashkëngjitur disa foto nga vendi i ngjarjes, rrëfimit për plakun 96 vjeçar!